Основање и развој на СИГАЛ Иншуренс Груп во Македонија

СИГАЛ Иншуренс Груп е една од водечките осигурителни групации во регионот на Југоисточна Европа, со значајно присуство и на македонскиот пазар на осигурување.

Компанијата започна со работа на Македонскиот осигурителен пазар од 2004 година под називот СИГАЛ АД Скопје, градејќи постепено стабила и доверлива позиција, и благодарение на конкурентните услови, брзата услуга и развиената продажна мрежа, компанијата брзо стекна доверба кај граѓаните и деловниот сектор.

Во 2009 година, компанијата помина низ процес на ребрендирање и го продолжи работењето во партнерство со UNIQA, нудејќи нови производи во неживотното осигурување.

На 26 мај 2011 година, преку UNIQA LIFE, Друштвото ја прошири својата активност и во сегментот на животно осигурување, дополнително зацврстувајќи го своето присуство на осигурителниот пазар.

Со текот на времето, Групацијата го прошири своето портфолио со нови производи, вклучително и специјализирани корпоративни осигурувања, здравствено осигурување и сложени индустриски ризици. Паралелно со тоа, беше развиена широка мрежа на филијали, застапници и брокери низ целата држава, што овозможи поголема достапност до клиентите.

Во 2025 година, Друштвото ја потврди својата финансиска стабилност и сериозност, со што истата успешно помина процес на ребрендирање во рамките на SIGAL Insurance Group.

Денес, СИГАЛ Иншуренс Груп во Македонија претставува стабилна и препознатлива осигурителна компанија, со значајно учество на пазарот и репутација на сигурен партнер за физички лица, компании и институции.

Значаен аспект од успехот на работњето на Друштвото претставува и воведувањето на модерни технологии, дигитализација на процесите и унапредување на услугите за штети, со што се континуирано се подобрува ефикасноста и транспарентноста во работењето. Компанијата континуирано инвестира и во обука на кадарот, следејќи ги најдобрите практики во осигурителната индустрија.

Групацијата SIGAL Insurance Group  покрива околу 1/6 од вкупната вредност на штетите во осигурителната индустрија во регионот и е застапена преку 8 друштва (Друштва за осигурување, Друштва за реосигурување и Друштва за управување со пензиски фондови), 2.500 вработени лица и застапници, 1.200 продажни места и повеќе од 1,5 милиони задоволни клиенти.